[影評] 哥斯拉 [上映中] - 四星

哥斯拉, 相信喚起了不少人的童年回憶, 小弟亦有感, 記得哥斯拉好似係好人, 但又好似都係壞人, 由於已經對此故事甚為模糊, 亦記得好似自從電影電腦技術發達後, 亦未為哥斯拉故事翻新推出電影, 所以今次, 覺得去睇一定值回票價, 至少能一改以往對哥斯拉的記憶的映像~

此電影有一半屬故事式, 一半或一半偏少屬打鬥, 所以如果你一心想睇幾隻大怪獸互相不停廝殺的場面, 或者有什麼非常精彩的戰鬥畫面, 咁呢套戲未必岩你口味~ 全戲打鬥只得一半或再少d, 由初段至中後段, 每逢有打鬥畫面都只會打一兩拳, 係, 你無聽錯, 係一兩拳, 之後就會close scene, 不停吊觀眾胃口, 但又做唔到層次漸進提昇的境界, 因而中段開始, 見到打兩拳又close scene, 就會心裡暗靴....而直至尾聲, 先會切切實實黎一場轟轟烈烈, 男子漢應該打的場面 !! 可以一嚐觀眾們的渴望 !!

雖然打鬥偏少, 但整體怪物的出現次數都算不錯了, 總不會似以前的怪物電影, 成套戲得一開始同尾聲先出現怪物... 就算出現... 都係朦朦朧朧, 感覺好似想營造恐怖神秘的氣氛, 實情只為遮掩電腦技術或化妝技術不足, 呢套<哥斯拉>, 係怪物方面做得幾好, 清清楚楚見到哂, 動作亦非常逼真, 流暢, 感覺無乜挑剔的地方~

而故事都還過得去, 無交代太多哥斯拉的由來, 其實都真係唔需要既, 主要係由一個平民角度去發現到政府隱藏怪獸存在呢件事, 慢慢地演變成由一個地球角度去睇呢件事, 而人類面對極大的暴力壓制, 都只能夠用返極大的暴力去反擊, 就是人類最具破壞力武器 --- 核彈, 但去到後段, 唔知點解成班軍人就不停忙於運送一個核彈頭去某個地方, 又唔係好知點解, 當核彈頭到左目的地, 都仲要忙於搞呢樣搞果樣, 我就睇唔明個原因, 成班軍人好似搵黎搞咁... (而且淨計美國, 核彈頭大Q把...駛鬼用全國力量去保護一個咁慳家咩...)

總括而言, 都會比四星既~ 值得入戲院睇~ 但可以唔需要睇3D, 唔係好覺眼....
小弟去The Sky睇既, 杜比全景聲版, 真係有種好環迴立體聲的感覺~ 不過睇落之後其實都唔係太覺lu ^^"