其實有個道理, 我成日keep住講, 但都好似keep住無人明...
今日真係想寫詳細少少講出黎, 等大家唔好再做水魚, 學習係要靠自己, 要有獨立思考...
眼見現今好多免費分享的資訊平台 (我唔開名喇), 一d 教你買樓心得, 一d 教你買股票, 點樣去得知佢的資訊是否有用呢 ?? 除左你自己判斷之外, 有一樣野好很重要, 就係睇佢同你有無利益關係, 舉個例, 有d page, 一開頭免費分享好多買樓心得及技巧, 當佢稍為出名, 稍為多人睇, 就開始話開班教人, 之後仲出埋書添, 再同你講第一版賣哂, 反應熱烈, 第二版出左喇, 仲唔狗衝去買 ??
第一,
做得老師既, 就要有 qualification, 你有咩資格去教人 ?? 當然, 如果你係免費既, 我會真心欣賞你, 因為你無私咁奉獻你自己的知識, 但當你收費, 我就期望你要有返相應的野教到比我, 而你亦應該有足夠的 qualification 証明你有料, 我先會參加. 例如, 你去上堂學攀山, 原來對方只係攀過兩次山, 連正式攀山教練証書都未拎, 雖然佢好平, 但你敢唔敢去學 ?? 學完攀死左係你既事, 係你自己onX的責任, 對方錢都拎左, 關人隱事咩~ 而家講緊買樓, 大部份人都係用身家去買, 你真係信一個"只買左一兩次樓"的人講的野 ?? OK 如果你話百貨應百客, 廢野都仍然幫到某部份的人, 咁點解, 你唔繼續循免費途徑去分享 ?? 點解要收費 ?? OK 如果你又話咁係想幫到更多人, 分享比更多的人聽, 咁點解, 你唔去比錢宣傳自己個免費平台, 吸引更多人可以免費獲得你的資訊 ?? 而要收大家錢去比你繼續分享 ?? 講到尾, 利益囉 !!
第二, 逢係有利益關係既, 講野就一定有偏頗, 一定有水份, 一定有植入式廣告. 睇過有個好出名的教人買樓的page, 佢教你可以投資日本房產, 同你講黎緊愈來愈多港人嘗試投資日本房產, 因為回報高, 講完喇, 你想學 ?? 記得X月X日黎上我堂啦~ 承惠 $3xx~ on9 !! 首先多謝佢話比你知存在"投資日本房產"呢樣野, 但完全無再分享落去, 想知就比錢學啦柒頭, 再者,
投資日本房產真係可行 ?? 真係愈來愈多港人做呢樣野 ?? 証據please ?? 當然, 如果你係免費既, 我唔介意你講野無証無據, 但你係收費既, 我當然要確定你講的野係合理啦~ 又舉個例, 保險agent, 佢同你其實背後有好大利益關係, 你比愈多錢買plan, 佢就回傭愈多, 因此, 佢梗係乜7都sell比你啦, 梗係乜都話好啦, 你幾時見過一個agent, 出到黎見面, 同你講, "其實呢排d 保險大部份搵你笨7, 咩9儲蓄保險, 連追通脹都追唔嬴, 仲要hold住你d錢幾十年, 衰撚過擺銀行收息, 但總係好多人買, 我賺既錢亦停唔到手, 你唔好再幫我買喇~", 當然無人咁同你講啦, 因為佢望到的係你銀包d錢嘛~ 所以一定係賣花讚花香. 言歸正傳, 當你比完錢上完堂, 發覺原來日本投資都係on99, 唔適合你, it's fine, 你的學費已入左佢袋, 關人隱事麼 ??
第三, 當佢持續性獲得利益, 求其廢UP下都有人比錢佢洗, 咁爽梗係要繼續做落去啦, 你覺唔覺佢地的心得好似沒完沒了架 ?? 今日講完, 過幾日又有心得, 過星期又有, 下個月又有, 吊你咩, 有無咁多心得呀 ?? 你傻仔咪以為佢好有料囉, 真正有用的, 有幾多個 ?? 晨咁早就講撚哂啦... 所以佢地為左繼續賺你d 傻仔錢, 咪不停搵新料, 愈教就愈偏門, 愈教就愈唔知自己教緊乜, 慘得過有人仆到黎學丫 ?? 無新料邊有人黎睇, 邊有人比錢我洗丫 ?? LOL. 再者, 出書果班友, 你老味真係阿豬阿狗都出書, 我親身托朋友買過一本(衰左我無自己揭黎睇下先決定), 你老味全本書d 野基本到唔基本, 真係比智障去睇既, 稍為有研究下買樓的人一定識, 得10%叫有用少少... 我真係想大叫"回水"呀仆街. 更何況, 呢d 作者, 係書裡面做左d 立論, 佢個平台之後所講的野, 一定係圍繞返自己的立論既, 當佢發現有d 野 outdate, 或者原來係唔岩既, 你認為佢會唔會向你認錯 ?? 一認錯, 1000人like 就得返 500人like, 認錯就少左傻仔比佢呃, 梗係打死都唔認錯啦, 所以只會不停自圓其說, 維護自己一向的觀點, 呢d 人好危險丫~ 你信左佢就仆直架喇~ 你分享咪分享囉, 網上寫咪網上寫囉, 出乜撚野書姐 ?? 一係博出名, 一係博收益, 無其他架喇, 點講都一定係為利益先會出書.
政壇小弟弟王之峰, 好多人都覺得佢係英雄, 但佢又有出書, 都唔緊要, 你老味簽名會都搞埋, 無撚野丫 ?? 只因為佢想做英雄囉, 想比人崇拜囉, 有興趣上youtube search下, 有個反對者有罵佢博出名的行為~ 所謂人怕出名豬怕肥, 博出名絕對唔係一件好事~
唉... 唔講喇, 總之呢個係資訊泛濫的年代, 睇野要用下個死人腦, 唔好咁表面, 要有獨立思考, 千奇唔好人講你又信... 望住呢d 免費平台, 落得如斯下場, 真係心痛....
