[影評] 西遊記之大鬧天宮 [已落畫] - 二星

西遊記之大鬧天宮, 我覺得應該改名叫大鬧戲院, 這簡直是一套卡通片, 如果我買飛入左場睇, 我一定會仇恨自己足一百年, 超低能, 唔搞笑, 不知所謂的一套戲, sorry 係卡通片...

講特技, 廢到無倫, 這真的是戲嗎 ?? 特技比卡通片都不如呀, 所有人係天庭, 一d 都感覺唔到係浮係天空度, 而係企係平地度再用特技配天空背景, 真係盲既都睇得出.... 飛果時盲既都睇到個角度係吊威也.... d怪物又假, 有d 直頭化妝都廢事, 直頭用電腦特技整隻怪物出黎, 但係又用n年前的效果.... 有時拍動作連替身都慳返, 又係直接用電腦整個替身出黎, 呢套西遊令我諗起無線而家播緊果套....

講演技, 講真, cast 好似好大, 又甄子丹又郭富城, 有埋周潤發添~ 其他人還好, 但甄子丹真係... 唔好意思, 就算你係宇宙最強都要講.... 你係呢套戲真係好爛... 扮馬騮唔似馬騮, 搞笑又唔夠搞笑, 打鬥絕大部份係用特技而唔係真材實料 (唔知點解要搵你拍), 最不知所謂係你個配音, 諗住配得生鬼d, 似馬騮d, 可惜, 真係一d 都唔似, 每一句都好刺耳好難聽, 你本身就唔似生鬼的人, 夾硬去扮, 好心你搵另一個人幫你配音好過...再加埋d 好重大陸式的爛笑話, 笑唔出,  一個字, 唔好睇...

我好耐無試過睇一套戲, 係頂唔順到一路飛(fast forward)住去睇, 每有稍為悶場即飛... 快快脆脆睇哂d 打鬥 end game 好過....這同周星馳的<西遊>真係差天共地無得比呀 !!

大家可以慳返兩粒鐘, 唔需要睇呢套戲, 但作為大cast的二星之作, 仍然可以下載一睹其爛之處....祝你好運....

[影評] 飢餓遊戲2-星火燃原 [已落畫] - 三星

The Hunger Game 2 !!! 如果要同第一集比較呢... 我只能夠講...第一集好睇好多啊!!! The Hunger Game 最特別的地方係咩...? 就係呢個類似<大逃殺>的遊戲丫嘛 !! 但今集前半段都係得個"講"字, 唔知仲以為自己睇緊小說, 悶到喊...

直至中段開始, 先至開始講總統發起新一屆的Hunger Game, 屈機的係, 參賽者竟然係由過往的勝利者/生還者 裡面挑選~ 亦即是話, 女主角又要再次重返Hunger Game~ 真係慘, 但你唔慘我地又邊有戲睇呢~XD, 不過無論如何, 成套戲的重點放左落故事性, 講村民們一直想反抗政府強權, 想造反, 講政治講陰謀, 妖, Hunger Game的有趣元素卻大大失色!! 而且今次個Game 玩大自然元素... 玩毒氣爆發, 玩行雷閃電, 玩動物襲擊, 喂, 我想睇的係人類互相廝殺, 爾虞我詐, 點樣絕地求生, 而唔係睇discovery channel, 唔係睇人類抵抗大自然, 這種遊戲性真係失色了不少啊...

唯一比較有睇頭的係後段, 故事講到峰迴路轉, 話其實成個game都係一個陰謀, 係刻意讓所有歷屆冠軍聚集, 刻意做成某種比賽結果, 由於唔想劇透太多, 小弟都唔講太多故事發展喇~ 但成套戲最吸引就係尾段的故事性, 的確幾令人想繼續睇第三集, 長篇故事難免有d 郁悶期既, 期望第三集會有返精彩激烈的故事與打鬥吧~!

只落得三星收場, 好在落左畫先睇(無入戲院睇)~ 否則真係哂銀紙~
但仍然係一套落畫後必睇的作品, 因為之後仲會有續作嘛~

[影評] 魔警 [上映中] - 三星

魔警, 小弟習慣唔睇簡介, 只睇預告片就決定睇唔睇一套戲, 我以為呢套<魔警>係講香港果單轟動一時的魔警槍殺案, 點知....除左d 人名之外, 可以話係 完.全.無.關. 我真係頂你個肺....

Well 其實對套戲有少少失望, 一黎無得重現過香港果單真人真事, 二黎套戲本身個故事都唔係話十分標青, 都只係純粹一個黑社會組織, 以張家輝為首去犯案, 然後同某個警察(主角吳彥祖)碰上, 觸發左佢某d 往事, 不停神推鬼撞咁就痴左線...到最後一發不可收拾, 而預告片中, 最觸目的一幕, 張家輝著住警察制服, 在街上向市民開槍, 實在是非常震撼, 誰知在戲中, 這幕原來只得廖廖數秒, 仲要係一個幻想的畫面而不是真實... 簡直無言. 然後到尾聲, 又係玩無間道之類的橋段, 跟住又玩籠裡雞作反, 鬼打鬼, 殺哂其他人滅口淨返自己一個.... 呢d 故事其實真係好平凡, 只係大概將幾套戲的特點推砌一齊, 就是這套<魔警>.

而且, 佢的故事鋪排係小學教的直敍法, 真係好classic 一套戲的時間軸由頭到尾播一次, 無咩倒敍插敍的手法, 睇起黎個起承轉合同高潮位實在無乜力, 難怪佢的影評都係負面多, 睇完過兩日個腦已經幾乎唔記得內容, 代表實在無乜出色之處, 而到最尾的結局都幾馬虎, 一d 都唔震撼...

總括而言, 我並唔建議大家入戲院睇, 但日後仍然可以買碟睇當消磨時間既~